影片
更多
2020-02-12
16 浏览
话说之前我喺屯门食泰国嘢嘅话，好多时都会去小曼谷。不过由于最近经常都会去打拳，拳馆隔篱就系雅都商场，所以好多时都会同朋友打完拳之后上嚟揾食。食得最多嘅餐厅都可以话系呢间象泰，质素都几满意。所以今次就带埋妈妈嚟试下佢嘅泰菜晚餐。首先睇睇环境。都几企理，而且有卡位，座位之间都松动嘅，坐得几舒服。餐牌普遍都有做折扣。加上佢星期一至五有个特惠二人餐，又都几抵嘅㖞。例牌海南鸡配油饭呢个可以话系性价比之选。海南鸡全部都系去骨嘅，食落非常淋身，鸡皮都好爽。再配上海南鸡辣汁。可以话系越食越开胃。泰式炒通菜。每次食泰国菜必点嘅，今次贴通菜都炒得几靓仔，而且辣辣地噉样，送饭一流。冬阴功汤面。由于好想饮冬阴功汤，但我又冇主食，噉不如就叫个冬阴功汤粉，上菜时见到碗面真系好大碗，冬阴功汤非常入味，亦会见到落咗好多虾头，少少辣好过瘾。另外海鲜非常多，两只大大嘅青口系重点，同时亦有鱿鱼蟹柳大虾等等，值得推介。小食拼盘。虽然我哋只系叫咗一个细嘅小食拼盘，但份量都可以话唔讲得笑。咁多人入边我最钟意系虾饼，因为大大件好松脆，鲜虾味十足。其次就系串烧，两条串烧有猪有鸡，份量好大串，而且落咗沙爹酱非常惹味。青柠梳打。基本上成
话说之前我喺屯门食泰国嘢嘅话，好多时都会去小曼谷。不过由于最近经常都会去打拳，拳馆隔篱就系雅都商场，所以好多时都会同朋友打完拳之后上嚟揾食。食得最多嘅餐厅都可以话系呢间象泰，质素都几满意。所以今次就带埋妈妈嚟试下佢嘅泰菜晚餐。
首先睇睇环境。都几企理，而且有卡位，座位之间都松动嘅，坐得几舒服。
餐牌普遍都有做折扣。加上佢星期一至五有个特惠二人餐，又都几抵嘅㖞。
例牌海南鸡配油饭
呢个可以话系性价比之选。海南鸡全部都系去骨嘅，食落非常淋身，鸡皮都好爽。再配上海南鸡辣汁。可以话系越食越开胃。
泰式炒通菜。
每次食泰国菜必点嘅，今次贴通菜都炒得几靓仔，而且辣辣地噉样，送饭一流。
冬阴功汤面。
由于好想饮冬阴功汤，但我又冇主食，噉不如就叫个冬阴功汤粉，上菜时见到碗面真系好大碗，冬阴功汤非常入味，亦会见到落咗好多虾头，少少辣好过瘾。另外海鲜非常多，两只大大嘅青口系重点，同时亦有鱿鱼蟹柳大虾等等，值得推介。
小食拼盘。
虽然我哋只系叫咗一个细嘅小食拼盘，但份量都可以话唔讲得笑。咁多人入边我最钟意系虾饼，因为大大件好松脆，鲜虾味十足。其次就系串烧，两条串烧有猪有鸡，份量好大串，而且落咗沙爹酱非常惹味。
青柠梳打。
基本上成支梳打水俾你嘅，分量十足，同时亦都酸酸地几好味。
椰青。
椰青亦都好大个，饮落好鲜甜。非常推荐。
张贴
