百川薈

营业中

休息中

今日嚟到佐敦呢入边同朋友叙旧，叫咗个鸡煲套餐再另外加个炒菜同埋两个小食！冇谂过呢间餐厅嘅质素都唔错，所以决定介绍俾大家！✌🏻套餐包咗半只鸡，手切肥牛一碟，响铃一碟，娃娃菜一碟！呢一个价钱嚟讲系呢一个绝对唔算贵，而且CP值非常高！嚟到嘅时候非常香，一打开香喷喷嘅味道冲晒出嚟，而且佢嘅味道非常好食，绝对唔会太辣，佢嘅鸡都非常嫩，加埋本身非常有镬气，成个味道同埋效果都非常好！食完鸡煲之后老细会帮你加汤！咁就可以打边炉了！牛肉非常高质素，佢嘅质素冇谂过可以喺呢个餐厅食到，所以我哋都非常有惊喜，牛肉嘅油花非常好，唔会话太肥。而且亦都非常有牛味，正！响铃就可以吸收晒本身汤底嘅精华，大概5秒就可以食到！口感都唔错，而且钟意食嘅朋友绝对不能够错过！！炒通菜，份量非常多，而且价钱非常抵食，佢炒得非常爽口，而且有镬气！我同朋友都非常钟意食，拍得住出边大排档嘅质素！而且唔会太咸，我觉得佢嘅调味都非常适中！几好！红油菜肉饺，佢系红油抄手嘅概念，而且餐厅用嘅系自家制嘅饺子非常好食，每一只都胀卜卜大大只，加埋辣椒油嘅效果真系非常好食，非常开胃最后加多个出前一丁！非常满足！