K Chef Story

营业中

休息中

炸鸡可以拣有骨或者无骨，今次拣咗有骨嘅，店员有提醒因为有骨所以要等得耐少少，蜜糖加黄芥末酱非常香喷喷，未打开个盒就已经闻到阵香味，食落甜酸俱备，十分惹味，而且就算系外卖，层炸鸡皮都仲系保持到脆口👍猪肉紫菜饭卷🥢饭卷放喺收银处旁边，卖相相当吸引，馅料丰富，除咗青瓜、蛋丝、腌萝卜，猪肉嘅份量都唔少，而且卷得扎实，夹起嚟都唔会散开，一条大概有10旧，系整得唔错嘅韩式饭卷～韩式炒粉丝盖饭🍚今次拣咗外卖，食物都包得好好，保持到整洁，而且样样食物都份量十足，即使只系买咗3样野食都觉得有啲重，依间餐厅除咗外卖亦有堂食嘅位，menu有啲唔同，今次平日夜晚嚟到见到坐满人，买外卖嘅人都唔少，睇嚟都几受街坊欢迎！