阿來東南亞風味 (已結業)

餐厅主打东南亚菜式, 菜式种类多, 价钱亲民好抵食! 《咖喱软壳蟹火山包》满泻嘅咖喱汁加上烤至香脆嘅面包, 确实好惹味! 软壳蟹炸得好香酥, 面包口感外脆内松软, 份量好大, 面包内外都有大量咖喱酱汁, 咖哩味好香浓, 用来沾面包食, 好正😋! 《海南鸡金边粉》铺满炸蒜粒同葱粒, 每件鸡件已被去骨, 皮薄少脂肪, 鸡胸肉都算嫩滑。《猪颈肉炒椰菜苗》上面有炸蒜, 椰菜苗炒得好有镬气, 翠绿爽甜, 啖啖都有蒜香味, 猪颈肉肉质嫩, 带少少咸香。