七月烤魚 (已結業)

每次经过这间「七月烤鱼」，门外都有人排队。今日经过睇真啲，原来逢一至四单点食品有六折优惠，七月有七折～非常抵食!我哋今晚点左这个 ，包括－款自选烤鱼、蒜蓉焗生蚝、四款串烧和汽水，非常丰富！汽水转特饮以半价计算爆珠青瓜青樽苏打味道好清新，仲有一片青瓜作装饰，爆珠够Q 弹，非常适合夏天嘅饮品芥末凉拌青葵偏重麻辣的味道，浓味咸香～蒜蓉生蚝蒜香已十分分吸引，生蚝🦪热辣辣胀卜卜饱满肥美。重庆烤鱼（海鲈鱼）重庆香辣口味海鲈鱼肉质结实，啖啖肉，唔会散开。拣咗小辣已非常刺激，香辣口味加入爆香嘅豆豉，多咗一重蒜蓉豆豉香味，令成条鱼都非常惹味。烤鱼另配土豆片和鸭血，放入香辣汤底味道出色。鸭血够滑，吸了汤底更美味！试了多款串烧，主要调味有孜然粉和香辣口味。烤鸡脚：非常推介，鸡脚好腍有弹性，串烧做法实在少有！😋👍🏻川烧鸡翼：外皮够脆够juicy，非常入味。串烧猪腩肉：酱汁带少许甜味，加上半肥瘦烤到极脆，非常美味！烤鸡肉：啖啖肉香口惹味烤菠萝：干咗少少，唔系太甜。鱼肉豆腐：可以当做炸鱼蛋，鱼味重而且好弹牙。烤豆皮：非常特别有几层嘅豆皮入口脆卜卜。烤鸡肾，比较硬净～果仁冰粉食完辣嘢一定要有这款甜品，才可降火透心凉