巴辣仔烤魚雞煲 (加連威老道) (已結業)

真系好耐冇食过烤鱼啦, 朋友推左几次话巴辣仔烤鱼好食, 对烤鱼店冇乜头绪既我就唔洗谂啦~ 餐厅有两层, 座位之间相隔有一定距离, 坐得几舒适。 上层设有一个小小既自助区, 有酱汁同水果提供。鱼既种类有两款, 分别系深海大斑同埋江团鱼, 两者都系原条上, 真材实料。ORDER烤鱼已经包埋4款配菜, 仲可以任拣, 如果想要多几款, 就自己单点再ORDER啦~ 不过两个人食条鱼再加4款配菜, 我就觉得已经好足够, 因为佢条鱼劲大条呀!原条烤鱼深海大斑 (香辣味) $388超大条深海大斑, 开边放入炉, 再加入芫荽, 辣椒, 姜, 真系点煮都香!! 好快滚起就食得, 鱼肉有质感唔会松松散散, 超厚肉肥美! 香辣汤底又香又惹味, 4款配料索哂D汤, 由其系豆卜, 浓味又好食~ 忍唔住要叫个白饭黎捞下!! 中意重口味既朋友应该都会中意依度既烤鱼!大大杯咸柠雪碧 $35系我系餐厅饮过最最最大杯既饮品, 饮极都有, 下次食辣D都唔洗怕!