八月茶室 (新港中心)

营业中

休息中

今晚同老公去尖沙咀，佢提议食小菜，于是近近地入咗新港中心呢度，贪佢够光猛又干净，嘢食种类多，小菜，川菜，铁板餐，乜都有。招牌酸菜鱼（小）$198必点之选，我地2个人要个细份量已经好够，麻辣同酸菜比例恰当，鱼片又大片又薄，好嫩滑，配上鲜味浓郁汤底真系食上瘾。芝麻黑糖醋骨$80外观吸引，d肉唔痴骨，好易食，黑糖醋味道微酸又带甜香，加上芝麻，仲有菠萝，呢小菜佐白饭最啱。红烧豆腐斑腩煲$76上枱一揭开个盖，香气涌出来，未食已经觉得好正，豆腐同班腩都入哂味，豆腐够够嫩滑，班腩又大件，姜葱好香，食认真好味。黄金脆皮虾球$96好香口，咸蛋黄起沙，味道香浓甘香，虾肉够爽口。虽然系茶餐厅，不过呢度做既小菜，味道都有番咁上下，仲几有镬气，性价比高。