影片
更多
2022-09-15
29 浏览
尖东呢间小店系呢个旺中带静嘅位置，呢度竟然有间食四川风味嘅串烧，食物高质，性价比仲几高添！我地两个人叫左一碗粉面同几款串烧share黎食，贪心嘅我地咁就可以食到多几款🥰蒜蓉烧扇贝（2只）食串烧梗系要食海鲜，用蒜蓉烧好惹味，扇贝大大粒好鲜甜，连裙边都烧得啱啱好唔会韧！蒜蓉烧鲍鱼（2只）鲍鱼界开咗少少令到蒜蓉更加入味，弹牙得黎带少少烟韧，好新鲜。盐烧海虾（2只）虾壳烧到脆卜卜，虾肉鲜甜弹牙，海盐嘅咸香渗透入去虾肉入面，食到海鲜嘅原味道。盐烧鲭花鱼鲭鱼好似比一般超市自己买嘅大条，烧到啲鱼骨都好脆，连鱼肉一齐食落口都唔系好觉，清甜啖啖肉。肉类串烧基本上都系四川口味嘅调味，叫左 五花腩、特选牛仔肉、厚切牛舌心、四川羊肉串、惹味鸭舌、鸡软骨，虽然味道相似，但都唔会盖过本身嘅肉味，平衡得相当好，特别喜欢鸭舌同鸡软骨，比较有咬口！蒜蓉原条茄子(串）串烧必食菜式之一，烧到好腍，茄子肉好软熟，蒜蓉、葱同胡椒粒令到成条茄子好惹味，食到停唔到口！有机菠萝(串）最后叫左菠萝做甜点，热辣辣鲜甜多汁，仲烧到好似有层焦糖喺面头咁，唔错！另外都叫左个粉面B餐（4款配菜＋1粉面）藤椒汤，大海蚬，牛舌，招牌肥肠，鲜鹅肠，土
我地两个人叫左一碗粉面同几款串烧share黎食，贪心嘅我地咁就可以食到多几款🥰
蒜蓉烧扇贝（2只）
食串烧梗系要食海鲜，用蒜蓉烧好惹味，扇贝大大粒好鲜甜，连裙边都烧得啱啱好唔会韧！
蒜蓉烧鲍鱼（2只）
鲍鱼界开咗少少令到蒜蓉更加入味，弹牙得黎带少少烟韧，好新鲜。
盐烧海虾（2只）
虾壳烧到脆卜卜，虾肉鲜甜弹牙，海盐嘅咸香渗透入去虾肉入面，食到海鲜嘅原味道。
盐烧鲭花鱼
鲭鱼好似比一般超市自己买嘅大条，烧到啲鱼骨都好脆，连鱼肉一齐食落口都唔系好觉，清甜啖啖肉。
肉类串烧基本上都系四川口味嘅调味，叫左 五花腩、特选牛仔肉、厚切牛舌心、四川羊肉串、惹味鸭舌、鸡软骨，虽然味道相似，但都唔会盖过本身嘅肉味，平衡得相当好，特别喜欢鸭舌同鸡软骨，比较有咬口！
蒜蓉原条茄子(串）
串烧必食菜式之一，烧到好腍，茄子肉好软熟，蒜蓉、葱同胡椒粒令到成条茄子好惹味，食到停唔到口！
有机菠萝(串）
最后叫左菠萝做甜点，热辣辣鲜甜多汁，仲烧到好似有层焦糖喺面头咁，唔错！
另外都叫左个粉面B餐（4款配菜＋1粉面）
藤椒汤，大海蚬，牛舌，招牌肥肠，鲜鹅肠，土豆粉
汤底几特别，好暖胃，得好少好少辣味，反而有少少似偏淡嘅药膳味道，特别想讲𩠌嘅份量都唔少！几抵食！
张贴
