川婆婆 (寶勒巷) (已結業)

依排又系d落雨湿湿嘅日子，搞到我好想去食辣野，今次就去左位于尖沙咀宝勒巷嘅川婆婆食串串火锅。任食100分钟串串锅有三个set拣，今次我地叫左b set新鲜农场靓牛串串套餐，入面包左牛颈脊/牛小排/伊比利亚黑毛猪肋条3拣1、辣鸡煲同海鲜我依d牛魔王就紧系拣牛颈脊同牛小排啦，汤底就拣左茶底麻辣锅配养生菌王鸡汤。- 茶底麻辣锅配养生菌王鸡汤非常特别，因为系茶底所以好有茶香，但同时配合到麻辣嘅味道，两者唔会遮到大家嘅味道，食落好惹味，而养生菌王鸡汤用汤料充足，汤底菇味香浓，而且鸡肉嘅味道都能落晒去汤到，所以饮落清甜味香，好鬼正，未食野都饮左佢半煲汤😋😋-鸡煲鸡肉嫰滑，酱汁香浓而且辣度岩岩好同埋杰身，所以每旧鸡都挂到汁，食落非常惹味！而且食完后，拎走个煲会比铁板去做烤肉，爽呀！-牛颈脊同牛小排2只都系靓野，油脂分布好好，食落牛味浓，而且唔会话韧，正呀-海鲜佢包左鲍鱼、虾、蚬等，样样食新鲜，系养生菌王鸡汤到煮，一流呀-自助吧有串串、笼仔食物拎，蔬菜、肉类、酱汁多达几十样可以拣，饮品仲要系玻璃装汽水、茶类等等整体黎讲，餐厅食物种类多，而且质素都好，岩晒一班食辣人士食饱饱