老川皇

营业中

休息中

吴松街原来隐藏住呢间四川小店，外观上似普通茶餐厅，但实际上系间好有风味嘅四川菜馆。四川菜当然唔少得水煮菜式，但我吔怕太辣，煮系试下其他菜式先....小食 ~ 凉伴海带 : 虽然冇写系什么麻辣，但其实都系辣嘅，比想像中惹味好多，叫咗BB辣，但已经好够辣，正!!铁板水晶粉 : 真系用铁板上嘅，黏黏嘅冬粉，配上辣椒仔(差啲以为系什么肉条)同蒜粒，貌似豉油捞冬粉，原本来好够辣同惹味，唔洗加配菜都好好味。干锅田鸡 : 田鸡唔系每间餐厅可以食到，呢度有唔少田鸡菜式之余仲有系锅上嘅，好惹味。加上青椒、红辣椒、洋葱等配料炒成，唔算好辣，好好味。铁板茄子 : 除咗特别在系用铁板上之外，茄子切成一段段，中间再酿咗啲肉，加上辣汁，系食茄子嘅另一番风味!柚子蜜 & 柠檬柚子蜜 : 饮品方面就真系似茶餐厅喇，正正常常冇咩惊喜。