老川皇

营业中

休息中

适逢深夜时分，屋企附近个间老川皇总是人来人往。睇黎又系宵夜嘅不二之选，搞到我都有啲心郁郁入左去。其实一开始都对呢到冇咩兴趣，因为我唔系好食得辣 (平时谭仔食开3小辣)。但食完之后，我都会推笃唔系好食得辣嘅朋友仔试下。个阵我系拣左最低辣度，你知架啦呢啲川菜嘅最底辣度通常都已经好鬼死辣，都系稳阵啲好。当日我地两个人叫左4味𩠌，以下系少少feedback：-辣子鸡香口野黎，食得多会好热气。个人认为唔系几岩𩠌饭，因为会破坏佢个脆卜卜嘅口感，当零食咁单独食个口感先会出到。-凉拌土豆丝本人土豆丝爱好者私心推介。有水准、合格嘅土豆丝。唔会话太淋、爽口，但唔好expect佢好特别。如果你去到咁岩想食土豆丝的话，唔洗迟疑！-铁板水晶粉非常之饱肚，食完呢个可以唔洗嗌白饭都得。啲水晶粉好入味而且热辣辣，可以先热食一半之后等佢凉左之后再食。咁就试到两种唔同嘅风味。-孜然羊肉呢个系今日嘅MVP 。最惹味嘅一道菜 ，用黎配白饭食简直就系大满足。通常惹味嘅𩠌都会好咸，但呢个冇个种好似直接队啲调味料落口嘅feel。最后建议大家食个阵一定要order返罐加多宝，消热解辣一流。而且啲野食大多数都落左好多油，饮返啖凉茶解腻