影片
更多
2022-08-16
60 浏览
比较少入太和呢头，原来呢边都开咗好多餐厅！钟意食泰国嘢既我就入呢间木船试下！叫得「木船」，入到去当然就布置到尤如置身船舱里面啦，但呢架船一啲都唔摇，仲有好多美食添！前菜叫咗一客「青木瓜沙律」（$46），份量比想象中大！好多青木瓜丝，酸酸甜甜，好开胃！钟意佢酸甜味突出，唔会辣，一食就停唔到口。小食叫咗一客「香甜庶虾」（$38），本身系一客四件既，但因为当日唔够庶虾，店家就搭咗一旧虾饼比我，正！虾饼食落好烟韧，虾肉打得好绵密，系好有咬口既；庶虾就系另一种质感，入口即溶，加埋甘庶既甜味，香味系口腔萦绕，好清爽既感觉！主食就叫咗「泰式汁烧牛肉饭」（$88），跟餐有一碗「冬阴功汤」，最近天气咁热，饮返啲热汤可以出汗排毒。汤既材料都好足，有好多菇同香料，要注意汤既辣度好足，饮一啖要送返几啖饭。汁烧饭既面铺上一层青木瓜，色泽好靓，亦令成个饭无咁腻。牛肉份量都多，有十几片，烧汁味道香浓，送饭一流！推开青木瓜，入面仲有只流心蛋，蛋汁捞饭味道更胜一筹。成个饭各种味道齐备，亦好饱肚，非常推荐大家试下！最后加咗杯冻咖啡嚟试下（跟餐加$5），唔好以为系普通茶记咖啡，呢度标榜咖啡系混合咗几种咖啡豆冲调，一试都真系
钟意食泰国嘢既我就入呢间木船试下！
叫得「木船」，入到去当然就布置到尤如置身船舱里面啦，
但呢架船一啲都唔摇，仲有好多美食添！
前菜叫咗一客「青木瓜沙律」（$46），
份量比想象中大！好多青木瓜丝，酸酸甜甜，好开胃！
钟意佢酸甜味突出，唔会辣，一食就停唔到口。
小食叫咗一客「香甜庶虾」（$38），
本身系一客四件既，但因为当日唔够庶虾，店家就搭咗一旧虾饼比我，正！
虾饼食落好烟韧，虾肉打得好绵密，系好有咬口既；
庶虾就系另一种质感，入口即溶，加埋甘庶既甜味，香味系口腔萦绕，好清爽既感觉！
主食就叫咗「泰式汁烧牛肉饭」（$88），
跟餐有一碗「冬阴功汤」，最近天气咁热，饮返啲热汤可以出汗排毒。
汤既材料都好足，有好多菇同香料，要注意汤既辣度好足，饮一啖要送返几啖饭。
汁烧饭既面铺上一层青木瓜，色泽好靓，亦令成个饭无咁腻。
牛肉份量都多，有十几片，烧汁味道香浓，送饭一流！
推开青木瓜，入面仲有只流心蛋，蛋汁捞饭味道更胜一筹。
成个饭各种味道齐备，亦好饱肚，非常推荐大家试下！
最后加咗杯冻咖啡嚟试下（跟餐加$5），
唔好以为系普通茶记咖啡，呢度标榜咖啡系混合咗几种咖啡豆冲调，
一试都真系觉得零舍不同，咖啡既味道格外突出醇厚，
钟意饮咖啡既不妨一试！
食咗咁多嘢真系好饱！
如果钟意食泰国嘢既朋友，真系可以嚟呢度试下！
张贴
