阿佳拌麵 (已結業)

今日经过深水埗西九龙，见到之前喺葵芳有分店嘅阿佳拌面，上次误打误撞食咗鸡卷超好食，谂住翻绰但好可憎系鸡卷已经卖哂趁下午茶时间试吓其他熟食！首先叫咗两个拌面1.盐水鸡拌面 2.猪肉肠拌面拌面有得拣酱料：原味、沙茶味、芝麻、麻辣。我地分别拣咗原味同沙茶味，我哋都比较钟意沙茶味，味道较浓。原味就系普通豉油。推荐猪肉肠，即系原味既台湾香肠切片，皮脆而且十分入味，但系唔会咬落有好多油。而盐水鸡就系鸡丝，十分入味方便食唔使吐骨，口感似手撕鸡！另外叫咗啲小食，最推荐系糯米卷，好钟意外面层酥皮，食落好香口，搭配埋入面既糯米，外脆内软十分软糯，又唔会太细条，十分推荐。然后叫咗鱼蛋加麻辣酱，鱼蛋爽口，冇粉浆味，麻辣惹味，10蚊6粒好抵食。生煎包一啖一旧，分量啱啱好，完全唔油腻，令人想食多几旧。整体来讲好推荐呢间餐厅，价钱好抵，食咁多野都系百零蚊，又可以填饱肚，味道好好，CP值高。