合興粥麵飯

营业中

休息中

今次专程特登走过嚟柴湾，目的就系要嚟吉胜街嘅熟食市场，帮衬吓合兴嘅传统捞面店，呢度嘅自家制蚝油咖喱辣汁几好味，我嚟到合兴系冇睇到Menu，只系睇住架车仔里面嘅𩠌嚟叫食品，我叫咗猪皮、鱼蛋同鱿鱼＋捞米粉(要大辣汁)，total：$32元，但我谂深一层，其实叫大杂捞仲化算，最好叫(加底面)，一次过食饱D，讲番食品方面～鱼蛋好老实讲唔系好够弹牙，猪皮煎得太碎，鱿鱼又咸咗少少，米粉就ok，整体都可以接受，现场环境气氛几好，好似有一种带我返番去童年时代嘅感觉，值得再次回味，合兴呢度系冇套餐供应，如食客需要叫奶茶或咖啡嘅饮品，需要另外购买，单叫一杯冻奶茶要$19蚊，价钱绝对唔平，但久唔久嚟呢度食几次都系OK嘅！