鋼管廠五區小郡肝串串香 (已結業)

久仰大名的串串香开到黎香港喇早就听过朋友讲大陆食串串香，奈何抽唔到假返上去食！知道佢铜锣湾开左分店，于是趁lunch hr同同事去食！叫左蕃茄鸳鸯锅汤底，一边蕃茄一边麻辣汤底。蕃茄味好鲜甜好重蕃茄味，而麻辣对我黎讲算几辣，不过都系可以接受到嘅香辣。太肚饿关系，嗌咗啲小食食住先。重庆炸酥肉($58)炸得几香口，如果唔系一阵返工，用黎送酒一流！仲叫左个红糖冰粉($28)用黎解辣，口感好似甜甜的啫喱，但真系几神奇的解到辣！串串系用竹签重量计，$78/100克。有牛、猪、鸡、肠仔、薯仔片等等。呢个香菜牛肉味道好不错呢，几香口，加埋麻辣嘅汤底，好惹味！最后两个人都食到饱饱，记得食得到几多先好拎啊。