Spark Bar & Restaurant (已結業)

呢排喺港岛附近返工，出中环只系十分钟，放工嘅时候想饮下酒食下好野放松下，兰桂坊系一个唔错嘅选择。平时出兰桂坊多数都系食摩洛哥菜，今日就去食返个久违既西餐先。呢度有个好靓既band room 。有面包做餐前小食～前菜点左一份 Cuttlefish，呢个系一款几清新嘅开胃菜。除左爽滑既墨鱼，仲有明太子、新鲜海胆、三文鱼籽等等，加埋柚子味既泡沫均匀地分布系墨鱼上，食落唔会有腻感，兼有淡淡的柚子香同浓郁嘅海洋风味，味道层次丰富。接落黎嗌左一份Spaghettini Vongole。蚬肉饱满多汁，意粉条条分明，唔会有过份浓厚嘅酱汁。Main Course 点左一份Sous Vide France White Spring Chicken Roll，味道有惊喜，我好满意。春鸡滑嫩多汁，口感软稔，香口惹味。而底下嘅酱汁亦相当出色，充满奶香，兼有粒粒薯蓉增加口感，最后好快就清晒成碟野😋亦都系我近期食过最正既春鸡👍🏻食物制作用心，有诚意，如果份量再多番少少就更好。