見見面 (琉璃街) (已結業)

天后区毕嬲都多小店好野食，行行下就闻到浸辣味，因为身边个个都唔食辣，难得今日友人嗜辣，就试下间川菜。呢间野叫见见面，我地就叫左个酸菜烤青江鱼小辣，你知辣呢家野间间份量都唔同嫁啦，都系保险啲好。条青江鱼一上黎，除左好大条之外重好厚肉，三个人食其实都够食。佢条鱼起左骨之外，成条都炸到金黄色先放系个炉上边，相当有诚意。酸菜份量系适中既，唔会令到成盘烤鱼过酸。配料佢都比到好足，有豆皮、萝白、冬菇、芹菜咁。我地另外就加埋宽粉同窝荀。窝荀碌到淋吸左啲酸菜味基本上系无得输。我地另外重叫左个黄喉，牛黄喉系香港就比较小见。黄喉既质感好特别，淋得黎又爽口，如果有机会真系要试下，佢比猪黄喉更加有层次。辣度方面小辣就好似谭仔5小辣既辣度咁。想去试下既朋友可以揾呢个做参考。