更多
2023-08-09
17 浏览
行街见到呢间餐厅依家做紧任饮任食鸡煲,见佢招牌鸡煲同平时食开既鸡煲唔同,好奇心驱使下试试佢🤭招牌椒麻鲍鱼鸡煲+串烧 $168鸡煲可拣辣或不辣,基于我觉得鸡煲点都要有辣先好食,就叫左小辣😆 上枱都俾个煲惊艳到,好靓好传统原始既煲,中间会有烟囱,打卡岩哂! 鸡煲味道同一般酱爆鸡煲唔同,呢度系好香既泡椒味,麻会多过辣味,岩哂我口味😋 鸡件都好嫩滑入味👍🏻串烧方面每人可以拣8串,冬菇同翠肉瓜唔会烧到干柴柴,好多汁,仲有烧菠萝都好好味😛饮品都可以任拎纸包饮品,有黑加仑子汁、竹席茅根、蜜桃茶,都多选择,或者可以加$68任饮啤酒或梅酒😎$168 有鸡煲有串烧仲可以任饮,真系好抵食!👍🏻
张贴