十三少 (已結業)

今日同朋友去左乐富嘅十三少食酸菜鱼，位置系乐富广场虽然有少少难揾，但装潢都几唔错，好舒适。🍴十三少酸菜鱼一上菜比佢嘅份量吓亲，非常之大份。表面有辣椒干同芝麻，有好多酸菜，鱼片都大大旧，而且好嫩滑，啖啖肉好满足，叫左小辣对我地就啱啱好，味道好足够。🍴干煸四季豆四季豆味道麻麻辣辣，可以见到有好多花椒炒成，有时都唔小心食到花椒🙈，成个𩠌好有镬气，炒出黎唔会好油。🍴椒麻皮蛋呢个皮蛋同一般黑色嘅唔同，佢系金黄色嘅，口感比黑色硬，个酱汁系香醋，加左好多蒜，好开胃。🍴红糖糍粑呢个甜品几特别，外面炸得好脆，糍粑好有口感，热辣辣加上红糖酱好好食。