順濠坊 (已結業)

今晚收工好想食串烧，所以拣咗位于佐敦嘅顺濠坊！黎到望到餐牌有埋水煮系列，一于食埋佢！😂😂首先食店推介既椒盐九肚鱼，食落肉质嫩滑，份量充足，真系有佢写住嘅外脆内软！水煮桂花鱼，厚薄适中的肉质嫩滑，岩岩熟最正！👍🏻配料都好好味！初头以为系一大碗，但来到原来系一大煲！价钱实在太抵！农家酸辣土豆丝，大碟😂😂味道酸酸地带少少甜味，少少辣！翠玉瓜，厚度岩岩好，都大块，烧出黎多汁，我平时食串烧都唔会叫翠玉瓜，因为本身唔太中意食，但见朋友点左，一人一旧试下，原来都好味！盐烧虾，烧到连虾壳都食埋，食落就知系新鲜！烧鸡翼，表皮很脆很香，食落入味！成餐都好好味，今晚实在太满足！