老長沙湘菜館

营业中

休息中

寻日同朋友喺西环，两个人食左个麻辣水煮鱼同埋白辣椒炒五花肉加个白饭，食完超饱。个麻辣水煮鱼，份量够大又足料，真系食得好饱。麻辣水煮鱼入面有芽菜、宽粉、木耳、滑鱼片同炸鱼骨，呢个组合好有丰富嘅口感～味道方面，麻辣水煮鱼保持咗正宗嘅味道，唔会太咸，够辣。滑鱼片嘅质地嫩滑，骨位亦唔会浪费，切件攞去炸完再加返落个汤底到，味道比滑鱼片香口。另一道白辣椒炒五花肉，实在令人惊艳。白辣椒嘅口感似菜脯，爽脆又带有一份微微嘅酸辣味，同五花肉嘅结合真系^好夹。呢个菜式嘅独特风味令到我想要食！绝对系必试之选。白辣椒炒五花肉嘅搭配都相当出色、好啱用嚟送饭，令人食唔停口。环境方面，餐厅干净卫生，为用餐体验加分。总括而言，呢个麻辣水煮鱼餐点唔错，份量充足，味道丰富。但系我最主要推介嘅系白辣椒炒五花肉，因为佢嘅口感同风味都非常独特，系香港平时啲中餐厅好少有嘅菜式，推荐大家值得一试。