心夜來潮 (已結業)

這間心夜來潮，對正旺中應該好旺，可能要街上兩層，所以被人忽略，亦因為咁，繁忙時段都唔駛等位，對食客對是好的。何況這潮食館既野食真的幾好味!混醬雙雞煲一上枱，職員隨即黎過「爆炒」，嚮個鑊仍是高熱時「大兜亂」，蒜頭、洋蔥連同醬味飄晒出黎。椒鹽一字骨蒜味偏重，不會太辣，肉質也不會靭，好香口。京燒蝦碌肉質結實，味道甜甜的，又有蕃茄味，好惹味!啫啫通菜本身已味道濃郁，潮式煮法加多左細細隻既蝦毛乾，更加香氣逼人。