沙田頭火鍋 (已結業)

圣诞假期突然连续两日天气低过10度，真系唔打边炉都对唔住自己，去咗朋友介绍话材料好新鲜嘅沙田头打边炉。人大左真系觉得食野应该重质不重量，自己散叫打边炉 有时真系好过食放题好多。天气咁冻 叫左个胡椒咸菜猪肚锅暖下胃，个锅超级多猪肚 食极都食唔完，猪肚处理得好好 薄身既猪肚好爽口，汤底微辣唔会太咸 可以当汤饮。叫咗个四宝饺、入面最好食系云吞同埋凤城水饺。手打虾丸同墨鱼丸都好好食，尤其是虾丸，真系好弹牙。个安格斯牛肉真系好靓，油花分布平均，六几下就熟，放入口充满好浓郁嘅牛香味，完全唔会有筋。另外都不得不赞只文昌鸡，有鸡味之余，仲好嫩滑，只鸡切得都几靓。个生菜好新鲜好嫩，仲有淮山同莴笋，莴笋好鲜甜。