梨滿園韓國料理 (已結業)

好耐无去韩国餐厅食炸鸡啦，今次好难得同同事V夹岩时间一齐放工落旺角揾食。唔讲真系唔知，其实女人街左右两旁都好多餐厅，当中有唔少正野食啦。呢次由同事V带左我上去一间楼上嘅韩国餐厅，呢间铺除左炸鸡之外，仲有韩国烧烤同埋好多菜式。先黎啲小碟食下先，系呢几样野入面我个人就钟意食萝卜同泡菜，都唔错嘅。食炸鸡当然唔少得嘅系冰冻啤酒，饮啤酒最紧要够冻，呢支野够哂冻呀! 而我地今次叫任食炸鸡，系炸鸡未黎之前，就黎个紫菜包饭食下先，真系几足料下。炸鸡黎啦，有五只味嘅，分别系姜葱味，甜辣味，芝士味，蜜糖味，秘制酱油味等。呢种炸鸡佢最正嘅地方系啲肉嘅肉汁仲可以保留到，而且酱油就岩岩好，唔会好似成只炸鸡浸落啲汁度咁。芝士蛋卷都唔错，啲芝士令到成个蛋卷生色不少。另外芝士鸡嘅芝士落得好多下，将佢地捞几下，啲芝士包住啲鸡黎食真系好享受。呢间餐厅可以用抵食黎形容，同埋炸鸡配啤酒真系无得输。