牛魔 (已結業)

牛魔系一间日韩烤肉店，烤肉虽然好味，但最怕就系食到成身成头都系烟味，好多烤肉店虽然炉上面有抽油烟机，但食完都仲系会有阵味，不过牛魔特别设置嘅烧烤枱有地下抽气，食完真系完全冇烟味，所以今次已经系我第二次帮趁。牛魔嘅烧烤枱上面冇抽气装置，但一样唔会食到成身烟味。前菜三小碟有中华沙律、芽菜同辣青瓜，大大碟食完仲有免费追加，清清凉凉几开胃。乳酸梳打特饮($48)乳酸梳打几重乳酸味，但一定要搅匀佢，否则会净系饮倒梳打味，饮到后尾又会太甜。美国Prime酱油牛肋骨($198)牛肋骨一份有两大块，好腍冇筋。牛肋骨本身用酱油腌左，已经好入味，就咁食已经好好食。钟意重口味嘅，亦可以试下蘸少少玫瑰盐食。辣豆腐海鲜汤($98)海鲜汤有配白饭，里面有大虾、蚬、鱿鱼、金菇同豆腐，非常足料。海鲜汤热辣辣，辣度啱啱好，唔系得死辣，我钟意跟传统食法将白饭加入汤内当泡饭食。总结，烤肉好食又唔会食到成阵烟味，除左烤肉，其他食物亦有水准，前菜仲有得免费追加，唔怪得哩个时势都仲几多人帮趁。