影片
更多
2019-01-20
30 浏览
本身想去星林居食米线，点知发现左呢间新餐厅，平时食得打边炉多，就冇咩试过炆锅，咁就试下啦!入到餐厅，地方好干净，好卫生。我地坐左个卡位，而每张枱都有个锅准备好，感觉都很专业! 而个锅方面,我哋见到其实好多选择。无论你拣咩乜嘢味道好，主要有鸡锅牛锅同埋石斑锅。但系见到佢新出咗个麻辣锅,就好想试下!其实我哋好似大部份香港人，我好钟意食麻辣，但系又唔系食得好辣。好在佢有得拣小辣中辣同大辣。咁我哋就拣咗个小辣。落单之后店员会你枱上面𠮶个窝拎入厨房即刻整个炆锅，一定保证唔系整左先。然后，上菜嘅时候我哋见到成个锅都好足料，但系同时都惊好辣。等佢滚咗之后，就可以开始食啦。虽然个锅个样好红，但系食落个感觉唔会真系得麻味。因为好多配料嘅关系，食落真系好惹味,加埋牛小排同牛仔骨嘅厚度同口感，同平时食麻辣肥牛好唔同，感觉真系似平时食四川小菜的风味。个锅仲系冇加水炆,所以麻,香, 辣,鲜都出晒黎。食到咁上下,就可以加汤落其他配料。我地两个人就叫左手工松露墨鱼丸,鸭血,鹅肠同珊瑚蚌. 四样配料都比我地想像中大碟,好抵食.特别系手工松露墨鱼丸同珊瑚蚌。手工松露墨鱼丸真系好鲜好够味,其他火锅店都唔会有! 每一粒都系
平时食得打边炉多，就冇咩试过炆锅，咁就试下啦!
入到餐厅，地方好干净，好卫生。
我地坐左个卡位，而每张枱都有个锅准备好，感觉都很专业!
而个锅方面,我哋见到其实好多选择。无论你拣咩乜嘢味道好，主要有鸡锅牛锅同埋石斑锅。但系见到佢新出咗个麻辣锅,就好想试下!其实我哋好似大部份香港人，我好钟意食麻辣，但系又唔系食得好辣。好在佢有得拣小辣中辣同大辣。咁我哋就拣咗个小辣。
落单之后店员会你枱上面𠮶个窝拎入厨房即刻整个炆锅，一定保证唔系整左先。然后，上菜嘅时候我哋见到成个锅都好足料，但系同时都惊好辣。等佢滚咗之后，就可以开始食啦。虽然个锅个样好红，但系食落个感觉唔会真系得麻味。因为好多配料嘅关系，食落真系好惹味,加埋牛小排同牛仔骨嘅厚度同口感，同平时食麻辣肥牛好唔同，感觉真系似平时食四川小菜的风味。个锅仲系冇加水炆,所以麻,香, 辣,鲜都出晒黎。
食到咁上下,就可以加汤落其他配料。我地两个人就叫左手工松露墨鱼丸,鸭血,鹅肠同珊瑚蚌. 四样配料都比我地想像中大碟,好抵食.特别系手工松露墨鱼丸同珊瑚蚌。
手工松露墨鱼丸真系好鲜好够味,其他火锅店都唔会有! 每一粒都系手打,又大粒又juicy,仲有好香浓既黑松露味!
一向我食麻辣都会点鸭血,因为佢唔会似豆腐咁吸晒d辣油,但又有豆腐既软淋淋质感。又滑又有香味。
仲有呢度d鹅肠真系好新鲜。鹅肠而家打边炉都唔系间间有,而呢间既鹅肠又新鲜又干净,所以渌五秒既经好爽好好食!
最惊喜就系有得食珊瑚蚌! d珊瑚蚌非常鲜甜干净,一试难忘,下次再食都一定会再点!
我谂大家其实食麻辣锅都系又想佢够辣,又怕佢太辣. 所以 饮品方面我地就叫左两jar银菊露,配合麻辣锅道岩岩好. 银菊露又清甜又够冻,仲可以清热气,衬晒食麻辣锅解辣.
总括而言,焖锅比打边炉更加惹味,直得一试
牛排
6 浏览
0 赞好
0 留言
张贴
