回到味來 (已結業)

上网见到好多介绍推介呢一间恶魔鸡煲，所以我都专程嚟试吓。呢度嘅模式都系用半任食嘅模式，我哋可以选择自己喜欢嘅鸡煲，食完之后可以refill,不过refill就需要等一等，因为鸡煲系厨师即叫即煮嘅。食完鸡煲之后，我哋就可以选择自己钟意嘅汤底打边炉，除咗一般嘅火锅配料之外，每台仲会有一份海鲜拼盘同埋一份本地手切牛颈脊。牛颈脊嘅质素都非常之好，牛肉有肉味之余口感亦都够林。如果想再加点，就要再加钱。整体来讲呢度佢都几抵食，食物质素都算唔错，而且鸡煲可以任食都系一个卖点，值得再嚟。