樓下冰室 (已結業)

今晚约咗个朋友，好耐冇见，以前系呢边读书，成日都会嚟呢间餐厅食，今晚特登约返嚟呢间餐厅食，食返小时候嘅味道。都系年几冇黎食，水准依然无变，最出名嘅瑞士鸡翼，真系见到都流口水。叫咗个鸡翼餐配沙律，啲瑞士鸡翼真系好入味，同埋都系咁大只，我哋一人一只，留返个肚食其他嘢。细细个最钟意下午茶嚟食炸饺子，啲饺子新鲜热辣上，炸到好香脆好惹味，不过啲沙律酱唔够，次次都要额外再加，因为我真系好钟意食沙律酱。另外再叫多个芝士焗西兰花，份量好大个，价钱又唔贵，面头铺左好多芝士，呢个价钱真系物超所值。