Pret A Manger (已結業)

Pret a Manger系英国过江龙，主打三文治同汤，亦有沙律同埋yogurt供应。本来净系开喺多海外人士嘅商业区（因为对佢哋来讲系家乡菜），自从香港人都开始注重饮食健康后，分店越开越多。南丰大厦呢间有好多舒适嘅枱櫈，地方宽敞，方便轻轻松松享受午餐。食开热饭，对于冷冰冰嘅雪藏三文治冇乜兴趣。反而佢有款可以加热嘅『特级公司即烘香脆三文治』深得我心，加多个『五果鲜莓香脆乳酪』。三文治唔驶一分钟就加热好，入面啲芝士变得流心，夹埋香喷喷嘅鸡肉同烟肉，天下美味。乳酪同啲麦片捞埋一齐，有咬口又有层次，感觉新鲜又几健康。