豪大大雞排 (已結業)

3月24日, 自从喺台湾食过豪大大块大过我块面嘅鸡扒之后, 直至香港再开都无试过, 因为怕香港店水准不如台湾正宗, 食完会破坏晒之前嘅印象... 不过今日晏昼经过饿饿地, 又闻到佢d炸鸡味, 终于忍唔住试咗... 不过系一粒粒嘅香香鸡同花枝丸!::: 香香鸡 (半份) ::: $18香香鸡有半份同全份选择, 我地第一次试所以小小地要咗半份, 份量其实都唔少, 都有十粒八粒~ 鸡粒都系即叫即炸香喷喷, 外层脆皮够晒松脆, 咬落鸡粒比鸡扒更弹牙同juicy, 而且因为炸皮范围更多更香口惹味~ 正㖞!::: 脆皮花枝丸 ::: $13脆皮花枝丸一串四大粒, 粒粒都沾上酥脆炸皮同洒上调味粉, 而且食落有粒粒花枝肉, 弹牙得嚟唔会咬到一旧粉... 呢个价钱抵食过笃鱼蛋啦!好多出名小食由外地登陆香港都会保持唔到水准, 虽然今次无试到大鸡扒, 但小试香香鸡同花枝丸水准都唔错, 实在蛮有台湾风味~ 唔怪得门口成日都排长龙啦!