影片
更多
2023-10-27
539 浏览
有一次同一位女友人倾开澳门诚昌水蟹粥.我话成二十年前第一次食，简直惊为天人! 临返香港都要食多一转先上船，但女友人持相反意见，佢话唔会食完又食，留待下一次有动力再嚟澳门食!结果事实变成.... 依家嘅诚昌水蟹粥已成垃圾，连当年一成水准都无，但价钱就跳几级! 每次经过诚昌，唏嘘无限!经验又一次话我知..... 做人要及时行乐!历史又不段重演!一年前湾仔岱民嘅羊腩一级棒! 当时食完又食，买几次外卖，虽然份量少但质素极高! 最正系软骨部位! 令人难忘.一年过去..... 系哩一年里面，湾仔岱民已经变质! 睇住佢由当年 Lunch 时段门口排成人龙，到依家人龙已经消失! 买过一次外卖水准大跌! 价钱又加咗! 当时已经担心秋季有无羊腩煲供应，即使有，质素又唔知会唔会变差!好啦! 终于到入秋，今次经过入去望两望，见到有羊腩应巿，但个卖相好似唔多掂! Anyway 点都要买份嚟试试先!价钱50蚊一盒净𩠌.优点 :1, 份量比以前多.2, 唔系得羊腩咁单调，有冬菇，冬菇入味又够冧!3, 主角羊腩出场! 主角之中嘅主角系软骨，口感仍算爽脆! 缺点 :1, 哩D外卖盒好鬼讨厌! 好易倒泻羊腩汁.2, 份量
我话成二十年前第一次食，简直惊为天人! 临返香港都要食多一转先上船，但女友人持相反意见，佢话唔会食完又食，留待下一次有动力再嚟澳门食!
结果事实变成....
依家嘅诚昌水蟹粥已成垃圾，连当年一成水准都无，但价钱就跳几级! 每次经过诚昌，唏嘘无限!
经验又一次话我知..... 做人要及时行乐!
历史又不段重演!
一年前湾仔岱民嘅羊腩一级棒! 当时食完又食，买几次外卖，虽然份量少但质素极高! 最正系软骨部位! 令人难忘.
一年过去..... 系哩一年里面，湾仔岱民已经变质! 睇住佢由当年 Lunch 时段门口排成人龙，到依家人龙已经消失! 买过一次外卖水准大跌! 价钱又加咗! 当时已经担心秋季有无羊腩煲供应，即使有，质素又唔知会唔会变差!
好啦! 终于到入秋，今次经过入去望两望，见到有羊腩应巿，但个卖相好似唔多掂! Anyway 点都要买份嚟试试先!
价钱50蚊一盒净𩠌.
优点 :
1, 份量比以前多.
2, 唔系得羊腩咁单调，有冬菇，冬菇入味又够冧!
3, 主角羊腩出场! 主角之中嘅主角系软骨，口感仍算爽脆!
缺点 :
1, 哩D外卖盒好鬼讨厌! 好易倒泻羊腩汁.
2, 份量虽然多过以前，但外相唔得! 羊腩唔似羊腩，好似碎修修牛腩.
3, 羊骚味强劲!
4, 羊腩汁唔够多.
5, 总系觉得味道唔够以前好，无咗鲜味同惹味!
6, 虽然我唔食得冬笋, 但如果有齐冬笋同支竹就更好.
7, 软骨虽然爽脆，但无咗以前果种起沙口感，超可惜!
一年前超开心，终于揾到好味羊腩，一年后又变差，又一次证明，将来无人知，过去已成过去回望过去无意思，做人要及时行乐!
张贴
