富泰家 (已搬遷) 新店位置

情人节食食食活动-第一站中午出到旺角....原本系想去某间Cafe嘅....点知自己又傻猪猪唔记得睇开店时间结果摸门钉.....但系又开始肚饿㖞.....点算呢....12点几1点....旺角食肆又未开得晒，又唔想食大型连锁式经营嘅食店。咁唯有行下女人街啦~俾我见到呢间卖捞面嘅餐厅。佢地餐牌入面有好多唔同配料嘅捞面选择~(因为太肚饿，连餐牌都唔记得左影。)除左捞面，都仲有饭类架~最后我地拣左【脆皮鸡扒芝士捞面】同【酱烧猪颈肉捞面】每款捞面都会有一碗水果奉送。【脆皮鸡扒芝士捞面】一上枱就闻到好香嘅芝士味啦!芝士汁好Creamy~芝士味唔太浓，食落口唔觉得溜，鸡扒炸得岩岩好~唔会太干身!赞!份量亦岩岩好。【酱烧猪颈肉捞面】店家用咗自家制酱汁，唔会好咸，辣辣地好惹味。怕辣嘅客人可以同侍应讲要唔辣。猪颈肉一样好Juicy，外皮烧得香脆。^^另外一提，店主唔知系咪好中意八哥呢，店内挂左好多八哥嘅相，好得意。