烏蠅館 (新都城中心二期) (已結業)

今晚我哋放工行街再食飯振興夜經濟，食嘢冇心水，就試吓經過了好多次，一直都俾佢店名所吸引既小店。店員介紹食烤魚，我地兩個人點了比較細條的珍珠班。我哋怕辣，叫咗蒜香味。然後再點了幾樣火鍋食材, 食完烤魚之後當火鍋咁食。本身烤魚既配料有萵筍，雞髀菇同埋芋絲，配料都好多，蒜香味香濃。條魚新鮮，肉質細嫩幾滑，而且厚肉，唔多骨，吸入蒜香味，味道鮮甜。唔同平時打邊爐咁d嘢食放落湯底再點醬油食，個烤魚湯底已經好濃味，唔需要再蘸豉油，豬紅、魚腐、西洋菜餃、油麥菜配蒜香烤魚湯底又鮮又好味，色香味俱全。西洋菜餃d皮超薄又滑，菜肉比例剛好仲有蝦米咸香，好juicy 。魚腐質素也很不錯，軟滑有魚鮮味。川式韭菜豬肉紅油水餃好惹味。最後叫個四川火鍋麵，吸入湯汁精華，變咗個好惹味嘅麵。另外，叫咗檸檬蝶豆花茶解油解渴，飲落幾舒服。老公係第一次食烤魚，佢都好鍾意，覺得有驚喜。佢話第日除咗去食雞煲，嚟呢度烤魚都係一個好選擇。