微笑韓國料理 (已結業)

有啲挂住韩式辣味因为好耐冇食，所以今晚就约朋友食韩国嘢，环境好有复古宫廷既感觉，用左传统木制同类似如意结既做装饰，而且每张枱空间感好大，十分舒适。餐厅前菜有酸萝卜同泡菜，以及豉油滑豆腐，泡菜好好味！辣到好过瘾好刺激🤣个豆腐都好醒胃，朋友本身唔中意食豆腐，但佢个豉油甜甜地，搭配埋香葱同木鱼，有种清香既味道，结果朋友都食得好滋味😹主菜当然唔少得炒年糕紫菜粉丝卷啦，大大碗有大量年糕，软硬度煮得啱啱好烟烟韧韧，唔会淋到一pat野，仲有青口同杂菜捞拌而成，因此有少少海鲜甜味，紫菜卷炸成香脆，粉丝滑嫩，连埋韩式辣酱汤一齐食，正呀！我就拣左金枪鱼盖饭，由新鲜吞拿鱼粒、青瓜、沙律菜、麻油紫菜、韩式辣酱全部搞匀食，味道好fresh好好味，平时食开日式既吞拿鱼饭，今次韩国版原来都好好食，唔捞豉油捞辣酱，赞👍