十二味麻辣小當家 (已結業)

今日挑起条筋想食酸菜鱼，本来想返上大陆食，但又唔够时间本来想放弃⋯好彩女友醒目，揾到呢间十二味都出名酸菜鱼，就即刻book左枱晚上黎食。刚好喺sogo买完野行过来都好方便，晚饭时间真系坐满人，好彩一早订定枱。酸菜鱼就必叫了，女友话唔太饿，所以我只点左个葱油拌面，唔够再加。女友个欲望酸梅，大杯到吓死😱而且佢梅味好鲜，唔会好似即冲𠮶啲咁假，抵饮！我就例牌拣左啤酒🍻葱油拌面 - 简单的拌面但个面身好弹牙质感好好！相对地个葱味就唔系好重，面身上有啲葱丝，但个豉油味好香，同个面质好夹！本来想等埋个鱼一齐食，但等唔切好快就忍唔住食哂！酸菜鱼就等左相对地耐啲时间，但好彩都不负我期望，好惹味！首先第一个惊喜系佢入面有酸萝卜，喺香港食酸菜鱼都系第一次见，果然识煮！呢个可以话系酸菜鱼既精华。另外佢个酸菜都好爽口，好食！当然主角啲鱼肉都好食，又滑又弹牙，而且好入味。我拣左要辣佢真系落足好多花椒尖椒，辣度十足之余个酸菜味真系好香！不过女友就话个辣太劲🤣我只系觉得刚好。除左鱼同酸菜，难得个鱼入面都有切片鸡脾菇，估唔到同样同个汤好夹。今次呢个酸菜鱼真系令我满意又有惊喜！本来都够饱，但女友闹个鱼搅到佢成口辣味，所以