太二老壇子酸菜魚

营业中

休息中

太二酸菜鱼内地知名连锁酸菜鱼终于都系香港开铺头，仲要一次过开4间咁多，今次就去咗九龙塘店试下。一入门口，店员好似日式餐厅咁样欢迎你入嚟，佢哋会用普通话讲「吃鱼拯救世界」，第一次听唔系好听得清讲咩，听咗几次先听到🙈🙈我哋叫咗酸菜鱼再加粉丝，两个人食啱啱好，呢度嘅酸菜鱼就无得拣辣度同酸度。上菜时大大盘，上面铺满辣椒，虽然辣度指定咗，但食开小辣嘅我都接受到，唔会辣到飞起😆鱼肉用上鲈鱼，食落够滑又无骨，配埋酸菜同汤一齐食，啖啖肉非常惹味。汤底饮落冇齐麻酸辣，加埋粉丝索埋啲汤汁，食落更正啊！佢哋自家制嘅酸菜用咗30日时间腌制，食落爽脆，酸度适中但就偏咸，虽然餐厅话酸菜比鱼更好食，但我觉得鱼好食啲🙈唔叫特式饮品嘅话，可以出去冲洛神花茶饮，加片陈皮就更加香啦。