好彩海鮮酒家

营业中

休息中

今日下午我们去咗荃湾享和街嘅「好彩海鲜酒家」饮下午茶！我们叫咗镇江酱油鸡嘅肉质相当嫩滑，配上镇江酱油汁，再加埋香葱同生蒜粒，感觉都几特别同非常惹味！芹香樱花虾肠嘅肠粉好嫩滑，樱花虾嘅味道好似虾米咁，但就比较大只，芹菜嘅味道好芳香！特级鲜虾饺嘅饺皮相当烟烟韧韧，虾肉非常大只同爽甜弹牙！瑶柱菠菜鱼肚饺嘅饺皮极之晶莹剔透，馅料份量超多，有鲜味嘅瑶柱丝，青嫩嘅菠菜同爽口嘅鱼肚，口感非常丰富！姜葱煲仔棉花鸡嘅鱼肚好爽滑弹牙，鸡肉嘅肉质好松软嫩滑，加埋姜葱令到味道更加惹味，完全唔会有腥嘅味道！