鼎家喜筷 (已結業)

今日嚟荃湾食呢间餐厅食幸福鸡煲，90分钟无限添加鸡件，送新鲜蔬菜一份。除咗鸡煲，呢度仲有烧味饭，小菜，点心，仲有甜品，够哂多元化。入座后店员会第一时间落order 整鸡煲，绝对唔会揼波钟，鸡煲有三个辣度可以选择，我地唔系好食得辣所以拣咗BB辣。大约8分钟左右就上菜，鸡煲焗3分钟捞匀就食得。见到加咗大量芫荽，香葱，蒜头🧄，辣椒🌶️，闻落去好香，酱汁好香浓好惹味，开头食落少少辣，之后越煲越浓，亦易会越嚟越辣，不过辣得好过瘾。鸡件好厚肉，大大件，份量都好多，应该有成只鸡，鸡肉肉质鲜嫩，肥膏唔多。另外order左火锅配料同饮品，食鸡煲点可以唔饮冻饮，呢度有两款冻饮任饮，🌼菊花薏米同🍋柠檬洛神。🌼菊花薏米有清热去湿之效，味道清甜，不过甜味比较淡；🍋柠檬洛神解热消滞，酸酸甜甜好开胃，个人比较喜欢柠檬洛神。杂锦丸拼盘：牛丸，鱼蛋，香菇贡丸和墨鱼丸各两粒，大大粒爽口弹牙。珊瑚蚌：份量都几多，颜色鲜艳，入口爽口鲜甜，同鸡煲酱汁都几夹。鲜腐竹：豆味香浓，入口几滑身，吸收左鸡煲嘅酱汁会比较辣。蔬菜篮都包咗几多嘢：豆卜，冬菇，金针菇，粟米🌽，娃娃菜。豆卜，金针菇同娃娃菜吸好多酱汁，建议开头先落，唔好煮咁耐，如果