鼎家喜筷 (已結業)

依晚去咗荃湾西站海之恋入面嘅「鼎家喜筷」，天气凉凉地，我地决定食暖笠笠嘅鸡煲～饱肚暖身又滋味，食完仲可以打埋边炉。🔶 幸福鸡煲 $168/每位限时90分钟～而鸡件仲可以无限添加，仲配送新鲜蔬菜1份，都好抵食㖞，点菜𠮶时可以拣埋辣度，最小可以拣BB辣，我地唔想太刺激所以点咗BB辣。一嚟到香喷喷呀！滚返两三分钟就食得，秘制鸡件好滑好惹味，BB辣得有层次，辣度刚刚好～第1转鸡件都好多， 我哋差唔多食晒之后都已经好饱好满足了～🔶火锅配料叹完鸡煲仲可免费加汤底打边炉 。配送嘅新鲜蔬菜当日有唐生菜丶粟米丶冬菇丶金菇，我地再点咗啲配料～包括珊瑚蚌 $68丶乌冬 $28丶炸鱼皮 $48。乌冬一碟居然有2个，抵食呀！ 炸鱼皮浸少少汤，入口又脆口又惹味。🔶任饮花茶 $28/每位点鸡煲可以加少少钱任饮冻花茶，有2款拣：菊花薏米、柠檬洛神。点左清热嘅菊花薏米～打边炉啱晒。估唔到原来1大壶上嚟㗎！估计每人都饮咗3-4杯。