再來一煲 (好發大廈)

营业中

休息中

「再来一煲」之前系元朗已经食过，食物质素都唔错，今日同朋友去左屯门分店食鸡煲，8:00已经全场满座，最好一早book 定位。餐厅除了有鸡煲之外，亦有刺身和小食，另外如果带小朋友来食，小朋友都唔惊唔岩食，以到有开心乐园餐，都适合小朋友食。招牌魔鬼鸡煲有半只和一只选择，我地选了一只，4个人份量刚刚好，鸡煲有6款辣度可以选择，我地点了唔辣，以到既招牌鸡煲好出名，除左鸡件，入面仲有洋葱、蒜头、芫茜等等材料，香气扑鼻，虽然我地叫左唔辣，但一样非常惹味，鸡件斩得好好，没有碎骨，而且非常嫩滑入味。食完鸡煲就可以加汤打边炉安格斯牛小排（大份）安格斯牛小排油花平均，油脂丰富，肉味浓郁，烚一烚就食得，口感软腍，质素相当高。另外惠顾满$1200，餐厅会送一份安格斯封门柳，份量都大份，牛味系最浓郁，而且肉质软腍，虽然系送，但都好有诚意。除了必叫肉类打边炉之外，我地都点了不少火锅配料打边炉，有炸鱼皮、鹌鹑蛋、即叫即炸响铃、乌卒卒粒粒墨鱼滑、鱼皮饺、精选杂丸拼盘、牛柏叶、鲜鸡杂。其中乌卒卒粒粒墨鱼滑好大份，墨鱼味相当浓郁，好弹牙，我食过最好味的墨鱼滑，牛柏叶大大旧，烚耐左都唔会变韧。