影片
更多
2021-05-09
67 浏览
今日同妈妈撑枱脚，预早庆祝母亲节。我哋去咗湾仔新南苑食鸡煲放题火锅，喺港铁湾仔站C出囗步行约5分钟就到。由于预约晚饭时间早咗抵达，餐厅仍在准备中，喺得到经理同意下可以先喺餐厅入面行个圈；而吸引我嘅正是餐厅内装修，墙上壁画好有特式，天花吊灯用唔同红、白酒樽作装饰。饮品包括有多款罐装饮品选择，如果想饮枝装啤酒朋友则需要额外收费喇。除咗任食鸡煲外，套餐亦包括选择牛魔王餐、海鲜餐、至尊餐，今次就选择咗海鲜餐。喺等候鸡煲嘅时间，经理先赠送蒜蓉蒸龙虾作见面礼，并简单解释晚餐流程: 先系任食鸡煲，有食力嘅朋友可以无限添食，食够就通知服务员转煲打边炉。今日呢个鸡煲用料绝不马虎，睇得见又数得出嘅香料包括干葱、蒜蓉、姜粒、红椒、泡椒、豆豉、干葱蓉、豆瓣酱等，所以风味十足，惹味非常，食唔停口之选。通常食鸡煲我都喜欢自己动手炒、亲力亲为落配料，有d自己置身于厨房嘅满足感;所以今次亦唔例外，首先将鸡炒一分钟，然后焗佢两分钟；重覆以上动作三次就可以食得。一开盖香气四溢，鸡肉十分惹味香浓，鸡肉嫩滑得嚟亦够干身。经过完一轮冲锋陷阵后，系时候通知店员转煲打边炉喇。自选火锅汤底选择咗新鲜蟹锅花甲汤底，听闻其他分店系无呢个
由于预约晚饭时间早咗抵达，餐厅仍在准备中，喺得到经理同意下可以先喺餐厅入面行个圈；而吸引我嘅正是餐厅内装修，墙上壁画好有特式，天花吊灯用唔同红、白酒樽作装饰。
饮品包括有多款罐装饮品选择，如果想饮枝装啤酒朋友则需要额外收费喇。
除咗任食鸡煲外，套餐亦包括选择牛魔王餐、海鲜餐、至尊餐，今次就选择咗海鲜餐。
喺等候鸡煲嘅时间，经理先赠送蒜蓉蒸龙虾作见面礼，并简单解释晚餐流程: 先系任食鸡煲，有食力嘅朋友可以无限添食，食够就通知服务员转煲打边炉。
今日呢个鸡煲用料绝不马虎，睇得见又数得出嘅香料包括干葱、蒜蓉、姜粒、红椒、泡椒、豆豉、干葱蓉、豆瓣酱等，所以风味十足，惹味非常，食唔停口之选。通常食鸡煲我都喜欢自己动手炒、亲力亲为落配料，有d自己置身于厨房嘅满足感;所以今次亦唔例外，首先将鸡炒一分钟，然后焗佢两分钟；重覆以上动作三次就可以食得。一开盖香气四溢，鸡肉十分惹味香浓，鸡肉嫩滑得嚟亦够干身。
经过完一轮冲锋陷阵后，系时候通知店员转煲打边炉喇。自选火锅汤底选择咗新鲜蟹锅花甲汤底，听闻其他分店系无呢个汤底㗎。又到另一个焦点时间，厨房事先将汤底倒入模具内，然后放入冰箱雪冻，变成熊仔造型，非常趣致，吸晴打卡之作。
店员紧接住会送上一盘本地手切牛颈脊同埋海鲜拼盘，牛头脊纹理分明，放落汤二三十秒就食得，牛肉嫩滑得嚟牛味浓厚，海鲜拼盘有鲍鱼、虎虾、脆肉鲩片、扇贝、广岛蚝。虎虾有手掌咁大，唔知系咪我眼花，滚完望落去好似仲大只咗😆😆扇贝大大块有𡁻口；鲍鱼掂掂佢仲识收缩㗎，可想而知有几咁新鲜😎
除咗以上一次性食材，仲有四十款火锅配料无限供应，保证食得饱😆😆😆
正当我哋食得饱饱之际，店员再送上每人一个北海道3.6牛乳奶冻作为甜品，为今晚鸡煲放题写上完美句号。
张贴
