尚上下夏 - 養生雞煲火鍋 (已結業)

今日好想食鸡煲火锅，朋友介绍依间餐厅唔错，所以决定黎试下😋😋餐厅装修好本地大排档feel, 但胜在有冷气，所以环境、气氛都啱晒打边炉🫕一坐低，餐厅一早提供配料系台面，方便客人自己整啱自己食嘅酱料，唔洗客人行黎行去，好贴心👍🏻打边炉，当然唔少得清热气嘅竹蔗矛根汁。主菜鸡煲到啦！鸡肉好嫩滑，好入味，最重要系个汁，调到啱啱好。我哋嗌咗小辣，加埋有淡淡的花椒味，真系越食越上瘾！我地都叫左个蔬菜篮，啲菜好新鲜，咩菜都有啲，啱晒我依啲有选择困难症嘅人😆手打虾滑：虾滑好弹牙，加上有原只虾粒系里面，增加左个口感！带子：带子大大粒，好鲜甜，渌完入口𠮶下，带子肉仲要脆脆地。即炸响铃：响铃真系推介啊！炸到好香脆。店员建议我加鸡煲汁食，真系好惹味😋依个食法，好食过就咁放落边炉渌黎食！鬼马墨鱼：即系油炸鬼墨鱼滑，店员贴心教话渌墨鱼滑𠮶边一分钟就食得。食落口𠮶阵，油炸鬼仲热热啲，吸晒啲汁，墨鱼滑又好弹口，所以整体感觉好Juicy。