極品煮意 鷄煲.烤魚.火煱 (已結業)

天气咁冻最啱食鸡煲，同朋友去葵芳行街， 行完街就嚟到依间餐厅食鸡煲系两小时任饮任食，百几蚊一个人都几抵七点左右已经差唔多坐满晒客人，现场都几热闹餐厅门口右手边系自助区，有茶、调味料同白饭，客人可以自由去拣选自己嘅调味料呢个雪柜摆满左火锅配料，款式都好多，有蔬菜、菇类、肠仔、丸类、自家制饺子，仲有蚬，任君选择，客人可以自己攞除此之外，餐厅供应几款热盘小食，有凉拌青瓜、炸虾片、炸薯饼、酸辣土豆丝、炒菜等等，个人最钟意酸辣土豆丝同凉拌青瓜，酸酸辣辣好开胃我哋叫咗一个招牌重庆辣鸡煲，份量都几多，而且一上枱已经闻到阵阵嘅香味，店员先帮我地炒两炒就食得啦。鸡肉好入味，由于我哋叫咗小辣，所以唔会话好辣，咸咸香香几惹， 而且鸡肉一啲都唔鞋，都几滑另外仲有点餐纸，可以点选唔同嘅肉类， 有安格斯肥牛、特级猪肉片、羊肉、手打鲮鱼滑同鱼片等等，款式都几吸引我哋就叫咗碟安格斯肥牛，脂肪同肉嘅比例各占一半，食落充满油香， 牛味都几出，唔错。整体来讲，食物款式种类多，味道唔错，价钱仲好实惠，会再次帮衬。