豐鍋雞煲 (荔枝角道) (已結業)

天气冻左，自然想食返啲热野调剂下，咁就计划去食鸡煲or打边炉，今次去开深水埗做野，就拣左呢间餐厅。我原本睇定左呢间食佢嘅海龙皇套餐，系打边炉黎嘅，主要有海鲜，肥牛豚肉，丸子饺类，蔬菜面类等，好丰富。可惜黎到时朋友话近排可能食得太多，滞滞地，今次唔想叫咁多野食，怕浪费。。。咁转食个鸡煲啦，食完再睇下点。我地叫左半只鸡咋，都好大盘。个鸡煲煮无耐就好香好惹味，侍应姐姐都好服待周到，响我地面煮埋。我地同时发觉，差不多食完时，鸡煲先系最入味。。食得太快添！跟住见仲有quota，就叫左份牛柳粒，水鱿同自家制响铃。选择牛柳粒系因为牛味较重，不过煮嘅时间就要耐啲。水鱿就系因为我钟意食，易咬断岩哂我箍妹口味。估唔到嘅系，两样野份量都好大碟，若果可以选择半份就更好。另外一个系佢地自创嘅即炸芝士紫菜响铃，几特别，应该系夹左成块四方芝士响入面，因为加左料，令响铃相对厚身好多。我地仲叫左两杯特饮，水蜜桃梳打同乌梅汁，食完鸡煲饮一流，感觉下火不少。