豐鍋雞煲 (荔枝角道) (已結業)

好耐冇食鸡煲，今日一收左工决定去近自己屋企既丰锅鸡煲食晚饭，睇完menu，先嗌两杯饮品饮住先，呢度既饮品都系大杯装喔，唔怕唔够饮，我就叫左乌梅汁，酸酸甜甜好开胃，而男朋友就叫左水蜜桃梳打，水蜜桃味好浓郁，配合埋梳打感觉真系好清新好夹！-等左一阵丰锅招牌麻辣鸡煲就到了，由于我同男朋友仔都系食到小小辣，我地就叫左bb辣，呢度既鸡煲好香好惹味，鸡煲拎出黎既时候见到有大量芫茜，侍应一路炒一路闻到阵阵香味，食落d鸡非常嫩滑同多肉汁，系我食过最好食既鸡煲！-食完鸡煲后，侍应会主动为你加汤，跟住就可以开始食配菜，顶级黑豚猪梅肉真系好好食，十分厚身又香猪肉味，饺饺阵有鱼皮饺，韭菜饺同鲜虾木耳云吞，皮薄馅又足料，大推！油麦菜好新鲜，吸收埋鸡煲既汤底精华食落好清甜！最后一向中意食蟹柳既我地，当然唔少得嗌返个日本蟹柳食下！-总括黎讲，呢间的鸡煲真系好高质，下次朋友聚会带埋佢地黎食，多人食仲开心！