見見面 (琉璃街) (已結業)

天气咁冻，最钟意食鸡煲打边炉🔥🐥麻辣肥肠鸡煲 鸡件入味又嫩滑👍🏻 鸡煲酱汁好惹味，啱晒我口味🤤平时喺街食鸡煲都会间中食到啲唔太好味嘅鸡煲酱汁，但呢间嘅酱汁真系几正，惹味得离咸度啱好👍🏻 肥肠都处理得好好，食唔到有异味～同埋个人唔太钟意啖啖肉，佢哋系会成只鸡斩件咁整个鸡煲，唔会话只系俾鸡髀肉，啱晒我😍🐟酸菜鱼 (生鱼)汤底够酸，鱼片嫩滑入味，酸酸辣辣好开胃😋 食到停唔到口🤣食完个鸡煲可以再加汤打边炉，加汤之后汤底偏淡，建议大家可以将酸菜鱼嘅汤加入鸡煲做汤底，好啱用嚟打边炉🤩🤩🤩餐厅嘅嘢食都好惹味，同埋好抵食！尤其系边炉配料，份量好多！😌 下次再试其他菜式🤤