尚上下夏 - 養生雞煲火鍋 (已結業)

朋友心血来潮话想食边炉，就search左呢间评价都唔错嘅尚上下夏鸡煲火锅试下。餐厅环境比我想像中细同旧，感觉似传统嘅港式火锅店，冷气方面我自己觉得唔够凉，系炎炎夏日之下呢点有待改善。✨半只鸡煲（$168）佢地嘅鸡煲味道真系唔错！非常浓味，岩晒重口味之人。鸡肉都几嫩滑新鲜，算系我食过比较好味嘅鸡煲。✨龙虾汤（$48）食完鸡煲后就可以拣汤底打边炉，餐厅有几款唔同嘅汤底选择，我就拣左比较少见嘅龙虾汤。汤底味道都相对较浓，虾味突出，味道都唔错。✨手切安格斯牛（$175）我自己就觉得佢地嘅火锅材料都偏贵，不过胜在够新鲜，呢碟安格斯牛就系好好嘅例子。牛肉食落肉质鲜嫩，牛味香浓。✨珊瑚拼贵花蚌（$133）两款蚌类都非常新鲜，口感爽脆。整体黎讲味道都唔错，但价钱略贵；服务方面店员都几nice, 间中会过黎帮手碌下野。