打邊爐

营业中

休息中

好耐冇同朋友食饭聚一聚，难得夹到时间，佢想打边炉，我想食鸡煲，一拍即合，即刻book位去试下呢间打边炉先。餐厅装修设计带点中国风，有风格，坐得舒服。侍应服务好好，一坐低，就帮我地清洁餐具，中间仲会主动换碟同加汤，服务一流。讲番食物先，拣左小辣嘅滋味鸡煲，鸡嘅份量唔少，鸡肉嫰滑好入味，仲有大量芹菜，姜，蒜，花椒，八角，非常惹味。食完鸡煲，就系另一个主角出场--加汤打边炉。鸡煲嘅精华同汤融合为一，就知道汤底不得了。先黎个超吸味嘅棉花鱼肚，一落汤，就好似棉花咁吸哂汤嘅精华，非常入味，煮耐啲都唔怕。跟住就系手切安格斯肥牛，纹路明显清晰，牛味浓，唔会嚡口。自家制流沙虾丸， 虾丸肉质弹牙，配合流沙效果，好出色。仲有自家制梅菜猪肉丸，梅菜唔会太咸，估唔到可以将家常小菜变成火锅材料之一，真系好有惊喜。