小魚兒 (富麗花園) (已結業)

呢日黎到慧安园嘅呢间小鱼儿，见到佢主打系烤鱼，但都有鸡煲，因为想食鸡煲想左太耐，所以我地都系叫左鸡煲我地叫左重庆鸡煲bb辣，因为唔系话好食得辣，但鸡煲唔辣又唔好食，bb辣就啱哂我地！鸡煲到左之后店员都有教我地用中火煮几分钟搅下佢再食，一打开就闻到好多既辣味，我地叫左一只鸡，份量都真系够4人食！鸡唔会话好老，佢既酱调得好好味，麻味亦都够，食落超惹味！食完鸡煲之后我地都饱左一半，所以都啱算叫左好料火锅料，我地叫左莴荀，黑豚肉片，鸭血，白鳝片，响铃，佢既响铃睇得出系自家制，唔系包装个啲，浸落汤到几秒就食，仲好脆口，真系好好食，吸满哂鸡煲既精华，但太邪恶，我都唔敢食咁多🫣下次黎要试下佢既烤鱼！