第一家 (已結業)

由于疫情关系公司好多工作都停顿咗一排，所以今日要加班追返啲进度，为咗争取时间所以晚餐决定叫外卖，几位同事都想食韩国炸鸡。打开外卖 App 见到呢间新开嘅炸鸡店做梗折，而且重有几多好评，所以就决定叫呢间。😋说时迟那时快，落咗单无耐速递哥哥好快就送到去公司 😍 叫左两款唔同口味嘅炸鸡 (蜂蜜蒜香同甜辣)，大家都比较懒所以当然系叫无骨嘅 😝 另外叫咗几款配菜 (泡菜、凉拌辣章鱼、凉拌辣鱿鱼)。无骨甜辣炸鸡 (左/$138)，无骨蜂蜜蒜香炸鸡 (右/$158) : 两款炸鸡都系人气推介果然冇介绍错，虽然系外卖，但炸鸡又脆又嫩滑，自己钟意食蜂蜜蒜香味，味道浓郁超级正，甜辣味唔算太辣，两位唔食得辣嘅同事都无问题，炸鸡虽然叫半份，但系份量超级多，四个人先食得哂。